ലീഗ് ജനമുന്നേറ്ററാലി ഇൗമാസം​ 31ന്

കണ്ണൂർ: ഇടതുസർക്കാറി​െൻറ കപടനയങ്ങൾക്കെതിരെ മുസ്ലിം ലീഗ് സംസ്ഥാന കമ്മിറ്റിയുടെ ആഹ്വാനപ്രകാരം ആഗസ്റ്റ് 31ന് മണ്ഡലം തലങ്ങളിൽ ജനമുന്നേറ്ററാലി നടത്താൻ ജില്ല ലീഗ് ഭാരവാഹികളുടെ യോഗം തീരുമാനിച്ചു. സീനിയർ വൈസ് പ്രസിഡൻറ് അഡ്വ. ടി.പി.വി. കാസിം അധ്യക്ഷത വഹിച്ചു. സംസ്ഥാന വൈസ് പ്രസിഡൻറ് വി.കെ. അബ്ദുൽ ഖാദർ മൗലവി ഉദ്ഘാടനം ചെയ്തു. സംസ്ഥാന ട്രഷറർ ചെർക്കളം അബ്ദുല്ല, അഴീക്കോട് മണ്ഡലം മുസ്ലിം ലീഗ് മുൻ പ്രസിഡൻറ് കെ.ടി. അബ്ദുല്ല ഹാജി എന്നിവരുടെ നിര്യാണത്തിൽ അനുശോചിച്ചു. അഡ്വ. പി.വി. സൈനുദ്ദീൻ, ടി.എ. തങ്ങൾ, കെ.വി. മുഹമ്മദലി, അഡ്വ. കെ.എ. ലത്തീഫ്, ഇബ്രാഹീം കുട്ടി തിരുവട്ടൂർ, കെ.പി. താഹിർ, എം.പി.എ. റഹീം എന്നിവർ സംസാരിച്ചു. ആക്ടിങ് ജനറൽ സെക്രട്ടറി കെ.ടി. സഹദുല്ല സ്വാഗതവും ട്രഷറർ വി.പി. വമ്പൻ നന്ദിയും പറഞ്ഞു.