സെക്ര​േട്ടറിയറ്റ്​ ധർണ വിജയിപ്പിക്കും

പയ്യന്നൂർ: അനധികൃത വെൽഡിങ് നിർത്തലാക്കുക, ഇത്തരം സ്ഥാപനങ്ങൾക്കെതിരെ നടപടിയെടുക്കുക, വൈദ്യുതി അനുവദിക്കാതിരിക്കുക എന്നീ ആവശ്യങ്ങളുന്നയിച്ച് കേരള അയേൺ ഫാബ്രിക്കേഷൻ ആൻഡ് എൻജിനീയറിങ് യൂനിറ്റ് അസോസിയേഷൻ തിങ്കളാഴ്ച നടത്തുന്ന സെക്രേട്ടറിയറ്റ് ധർണ വിജയിപ്പിക്കുമെന്ന് പയ്യന്നൂർ ഏരിയ ഭാരവാഹികൾ വാർത്തസമ്മേളനത്തിൽ അറിയിച്ചു. അനധികൃത സ്ഥാപനങ്ങൾമൂലം ഒരുലക്ഷത്തോളംപേരുടെ തൊഴിലിന് ഭീഷണിയാവുന്നതായും അപകടങ്ങൾ പെരുകുന്നതായും ഭാരവാഹികൾ പറഞ്ഞു. സമരം നടക്കുന്ന തിങ്കളാഴ്ച വെൽഡിങ് സ്ഥാപനങ്ങൾക്ക് അവധിയായിരിക്കുമെന്നും കെ. സുരേന്ദ്രൻ, വി.പി. പവിത്രൻ, പി.കെ. വിജയൻ, കെ. ജയപ്രകാശ്, പി.ആർ. അനീഷ്, ടി. പുരുഷോത്തമൻ എന്നിവർ അറിയിച്ചു.