കാലവർഷക്കെടുതി: കൈത്താങ്ങായി അധ്യാപകർ

കണ്ണൂർ: കാലവർഷക്കെടുതിയിൽ ദുരിതമനുഭവിക്കുന്നവരെ സഹായിക്കുന്നതിനായി കെ.എസ്.ടി.എ സംസ്ഥാന കമ്മിറ്റിയുടെ തീരുമാനപ്രകാരം ജില്ലയിൽനിന്ന് ഫണ്ടു ശേഖരണം നടത്തി. ആഗസ്റ്റ് മൂന്നിന് ഒരു ദിവസംകൊണ്ട് അധ്യാപകരിൽ നിന്നും 2,46,820 രൂപയാണ് ശേഖരിക്കാനായത്. തുക കെ.എസ്.ടി.എ ജില്ല സെക്രട്ടറി വി.പി. മോഹനൻ സംസ്ഥാന വൈസ് പ്രസിഡൻറ് കെ.കെ. പ്രകാശന് കൈമാറി. ചടങ്ങിൽ ജില്ല പ്രസിഡൻറ് കെ. ജയരാജൻ അധ്യക്ഷത വഹിച്ചു. സംസ്ഥാന കമ്മിറ്റിയംഗങ്ങളായ എൻ.ടി. സുധീന്ദ്രൻ, പി.സി. ഗംഗാധരൻ, ജില്ല ട്രഷറർ ടി.കെ. ശങ്കരൻ, കെ.സി. സുധീർ, വി. പ്രസാദ്, ടി. രജില എന്നിവർ സംസാരിച്ചു.