ഉർദു അധ്യാപകർ അവകാശപത്രിക സമർപ്പിച്ചു

ഇരിക്കൂർ: ഹയർ സെക്കൻഡറി സ്കൂളുകളിലെ ഉപഭാഷാപഠന സൗകര്യം വിപുലപ്പെടുത്തുക, പാർട്ട്ടൈം ഭാഷാധ്യാപകരുടെ സർവിസ് പ്രശ്നങ്ങൾ പരിഹരിക്കുക, ഉർദു സ്പെഷൽ ഓഫിസർ നിയമനത്തിലെ കാലതാമസം ഒഴിവാക്കുക, ക്യു.ഐ.പിയിലെ സംഘടനകളുടെ അംഗത്വം പുനഃസ്ഥാപിക്കുക തുടങ്ങിയ 25 ആവശ്യങ്ങൾ ഉന്നയിച്ച് കേരള ഉർദു ടീച്ചേഴ്സ് അസോസിയേഷ‍​െൻറ നേതൃത്വത്തിൽ ഇരിക്കൂർ എ.ഇ.ഒ പി.പി. ശ്രീജന് അവകാശപത്രിക സമർപ്പിച്ചു. തളിപ്പറമ്പ് വിദ്യാഭ്യാസ ജില്ല പ്രസിഡൻറ് എൻ.പി. റഷീദ്, കെ. മുഹമ്മദ് ഹനീഫ, കെ.വി. ശ്രീജിത്, സി. മുഹമ്മദ്, എ.കെ. അമ്പിളി, ബിനി തോമസ്, വിനോദ്, ഹബീബ് എന്നിവർ പങ്കെടുത്തു.