മുഴക്കുന്ന് പൊലീസ്​ സ്​റ്റേഷൻ കെട്ടിടത്തിന് സ്​ഥലം അളന്നു

ഇരിട്ടി: ജനകീയ കൂട്ടായ്മയിൽ മുഴക്കുന്ന് പൊലീസ് സ്റ്റേഷൻ നിർമിക്കാനായി കണ്ടെത്തിയ സ്ഥലം അളന്ന് തിട്ടപ്പെടുത്തി. കാക്കയങ്ങാട് -പുന്നാട് റോഡരികിൽ പിടാങ്ങോടാണ് പൊലീസ് സ്റ്റേഷന് സ്ഥലം കണ്ടെത്തിയത്. 45 സ​െൻറ് സ്ഥലമാണ് ഇതിനായി ജനകീയ കൂട്ടായ്മയിൽ വാങ്ങുന്നത്. സ്ഥലത്തി​െൻറ രജിസ്േട്രഷൻ അടുത്ത ദിവസം നടക്കും. 15 ലക്ഷം രൂപക്കാണ് പൊലീസ് സ്റ്റേഷൻ നിർമിക്കാനായി ജനകീയ സമിതി സ്ഥലം വാങ്ങുന്നത്. പണം സ്വരൂപിക്കുന്ന പ്രവർത്തനങ്ങൾ നടന്നുകൊണ്ടിരിക്കുകയാണ്. ഒന്നര വർഷമായി കാക്കയങ്ങാട്-പാലപ്പുഴ റോഡിൽ വാടകക്കെട്ടിടത്തിൽ പ്രവർത്തിക്കുന്ന മുഴക്കുന്ന് പൊലീസ് സ്റ്റേഷന് സ്വന്തം നിലയിൽ കെട്ടിടം നിർമിക്കുന്നതിനായി മുഴക്കുന്ന് പഞ്ചായത്തി​െൻറ നേതൃത്വത്തിൽ ജനപ്രതിനിധികളുടെയും വ്യാപാരികളുടെയും രാഷ്ട്രീയ പാർട്ടി പ്രതിനിധികളുടെയും പൊലീസ് ഉദ്യോഗസ്ഥരുടെയും പങ്കാളിത്തത്തോടെയാണ് ജനകീയ സമിതി രൂപവത്കരിച്ചത്. മുഴക്കുന്ന് ഗ്രാമപഞ്ചായത്ത് പ്രസിഡൻറ് ബാബു ജോസഫ്, എസ്.ഐ പി. വിജേഷ്, ടി.എഫ്. സെബാസ്റ്റ്യൻ തുടങ്ങിയവരുടെ സാന്നിധ്യത്തിലാണ് സ്ഥലം അളന്നത്.