ശ്രീകണ്ഠപുരം നഗരസഭയിൽ എൽ.ഡി.എഫ​്​ ഉപരോധം

ശ്രീകണ്ഠപുരം: എൽ.ഡി.എഫി​െൻറ നേതൃത്വത്തിൽ ശ്രീകണ്ഠപുരം നഗരസഭ ഓഫിസ് ഉപരോധിച്ചു. നഗരസഭക്ക് വിവിധ പദ്ധതികള്‍ നടപ്പാക്കാന്‍ സര്‍ക്കാര്‍ അനുവദിച്ച രണ്ടുകോടിയിലേറെ വരുന്ന തുക നഷ്ടപ്പെടുത്തിയെന്നും അയ്യങ്കാളി തൊഴിലുറപ്പ് പദ്ധതി അട്ടിമറിച്ചെന്നും ആരോപിച്ചാണ് ഉപരോധം. സി.പി.എം ജില്ല സെക്രേട്ടറിയറ്റംഗം പി.വി. ഗോപിനാഥ് ഉദ്ഘാടനം ചെയ്തു. പി. മാധവന്‍ അധ്യക്ഷത വഹിച്ചു. ഏരിയ സെക്രട്ടറി എം. വേലായുധൻ, എം.സി. രാഘവന്‍, പി.വി. ശോഭന, കെ.കെ. ബാലകൃഷ്ണന്‍ (സി.പി.ഐ), എം. രമേശന്‍ (എൻ.സി.പി.), പി. തോമസ് (ജനതാദള്‍), അമ്പിലോത്ത് രാജന്‍ (ആർ.എസ്.പി), എം.സി. ഹരിദാസന്‍ എന്നിവർ സംസാരിച്ചു.