നിയമസഭ പരിസ്ഥിതിസമിതി ജില്ല സന്ദര്‍ശനം 16ന്

കാസർകോട്: കേരള നിയമസഭ പരിസ്ഥിതിസമിതി ഈ മാസം 16ന് രാവിലെ 10.30ന് കാസര്‍കോട് ജില്ല കലക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ജില്ലയിലെ വിവിധ പരിസ്ഥിതി മലിനീകരണ പ്രശ്‌നങ്ങള്‍ സംബന്ധിച്ച് സമിതിയുടെ പരിഗണനയിലുള്ള നിവേദനങ്ങളിന്മേല്‍ ബന്ധപ്പെട്ട വകുപ്പുദ്യോഗസ്ഥരില്‍നിന്ന് തെളിവെടുപ്പ് നടത്തും. തുടര്‍ന്ന് ജില്ലയുടെ വിവിധ പ്രദേശങ്ങള്‍ സമിതി സന്ദര്‍ശിക്കും. പരിസ്ഥിതി പ്രവര്‍ത്തകര്‍, പൊതുജനങ്ങള്‍ എന്നിവര്‍ക്ക് നിവേദനം സമര്‍പ്പിക്കുന്നതിന് അവസരമുണ്ടായിരിക്കുമെന്ന് ജില്ല കലക്ടര്‍ അറിയിച്ചു.