തപാൽജീവനക്കാരുടെ ധർണ

കണ്ണൂർ: ഫെഡറേഷൻ ഒാഫ് നാഷനൽ പോസ്റ്റൽ ഒാർഗനൈസേഷൻ ജില്ല കമ്മിറ്റിയുടെ നേതൃത്വത്തിൽ തപാൽജീവനക്കാർ പോസ്റ്റൽ സൂപ്രണ്ട് ഒാഫിസ് പടിക്കൽ പ്രതിഷേധധർണ നടത്തി. മാനുഷിക പരിഗണനപോലുമില്ലാതെ സ്ത്രീകൾ അടക്കമുള്ള തപാൽജീവനക്കാർക്ക് നൽകിയ അന്യായമായ സ്ഥലംമാറ്റ ഉത്തരവ് റദ്ദാക്കുക, തപാൽ വകുപ്പിലെ പുതിയ സി.എസ്.െഎ പരിഷ്കാരംമൂലം പൊതുജനങ്ങൾക്കും തപാൽ ജീവനക്കാർക്കും ഉണ്ടാകുന്ന പ്രയാസങ്ങൾ പരിഹരിച്ച് തപാൽസേവനം സുഗമമാക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ. എഫ്.എൻ.പി.ഒ സംസ്ഥാന വൈസ് പ്രസിഡൻറ് കെ.വി. സുധീർ കുമാർ ഉദ്ഘാടനം ചെയ്തു. ജില്ല പ്രസിഡൻറ് വി.പി. ചന്ദ്രപ്രകാശ് അധ്യക്ഷത വഹിച്ചു. ഇ. മനോജ്കുമാർ, വി.കെ. രതീഷ് കുമാർ, ദിനു മൊട്ടമ്മൽ, പി. പ്രേമദാസൻ, പി.കെ. ഹരിദാസ്, പി.വി. രാമകൃഷ്ണൻ, കെ. രാഹുൽ, എ.വി. ഗണേശൻ, വി. ബാലൻ, എ.എ. ചാക്കോ, കെ.സി. പരിമള, കെ.വി. വേണുഗോപാൽ എന്നിവർ സംസാരിച്ചു.