പുതുച്ചേരി നിയമസഭ ഇന്ന് വീണ്ടും ചേരും

മാഹി: പുതുച്ചേരി നിയമസഭ ബുധനാഴ്ച വീണ്ടും ചേരുമെന്ന് നിയമസഭ െസക്രട്ടറി എ. വിൻസ​െൻറ് അറിയിച്ചു. ബജറ്റ് അംഗീകാരത്തിനായിട്ടാണ് നിയമസഭ ചേരുന്നത്. ലഫ്. ഗവർണറും സംസ്ഥാനസർക്കാറും തമ്മിലുള്ള ശീതസമരത്തി​െൻറ പശ്ചാത്തലത്തിൽ നിയമസഭ സമ്മേളനത്തിന് ഏറെ പ്രാധാന്യമുണ്ട്. ലഫ്. ഗവർണർ നോമിനേറ്റ് ചെയ്ത ബി.ജെ.പി എം.എൽ.എമാരെ നിയമസഭയിൽ പ്രവേശിപ്പിക്കാൻ സർക്കാർ ഇതുവരെ തയാറായിട്ടില്ല. ബി.ജെ.പിയുടെ നോമിനേറ്റഡ് എം.എൽ.എമാർ സുപ്രീംകോടതിയുടെ അനുകൂലമായ പരാമർശവുമായാണ് എത്തിയിട്ടുള്ളത്. ഇവരെ നിയമസഭ അംഗീകരിച്ചാൽ മാത്രമേ ബജറ്റ് ബിൽ ഒപ്പുവെക്കുകയുള്ളൂവെന്ന് പറഞ്ഞ് കഴിഞ്ഞ ദിവസം ലഫ്. ഗവർണർ ബിൽ തിരിച്ചയച്ചിരുന്നു. ബുധനാഴ്ച നടക്കുന്ന നിയമസഭ സമ്മേളനത്തി​െൻറ അംഗീകാരത്തോടെ വീണ്ടും ബിൽ ലഫ്. ഗവർണറുടെ അംഗീകാരത്തിനായി അയക്കും. ഒരുതവണ മടക്കിയ ബിൽ വീണ്ടും എത്തുമ്പോൾ ലഫ്. ഗവർണർക്ക് അംഗീകാരം നൽകാതിരിക്കാൻ നിർവാഹമില്ല. കേന്ദ്രസർക്കാർ നോമിനേറ്റു ചെയ്യുന്ന ലഫ്. ഗവർണറും സർക്കാറും തമ്മിലുള്ള പോര് ഭരണ പ്രതിസന്ധിക്ക് ഇടയാക്കുകയാണ്. സർക്കാർ നടപ്പാക്കുന്ന ജനക്ഷേമ പ്രവർത്തനങ്ങളെ തടസ്സപ്പെടുത്തുന്ന രീതിയിൽ ഗവർണർ നടത്തുന്ന അനാവശ്യ ഇടപെടലുകൾ സംസ്ഥാനത്തെ ജനങ്ങളെ ദ്രോഹിക്കുന്ന രീതിയിലേക്ക് മാറിയിരിക്കുകയാണെന്നാണ് കോൺഗ്രസ് ആരോപിക്കുന്നത്.