പഞ്ചായത്ത് സെക്രട്ടറി വാഹനാപകടത്തിൽ മരിച്ചു

പയ്യന്നൂര്‍: കാങ്കോല്‍ -ആലപ്പടമ്പ് ഗ്രാമപഞ്ചായത്ത്‌ സെക്രട്ടറി ശ്രീകണ്ഠപുരം പരിപ്പായിയിലെ ടി.പി. ഹരിദാസ് (52) വാഹനാപകടത്തില്‍ മരിച്ചു. സ്കൂട്ടറില്‍ ഓഫിസിലേക്ക് വരുന്നതിനിടെ എതിരെവന്ന മിനിലോറി ഇടിക്കുകയായിരുന്നു. ശനിയാഴ്ച രാവിലെ 10ഒാടെ മാത്തില്‍ എസ്.ബി.ഐ ശാഖക്കടുത്താണ് അപകടം. ഗുരുതര പരിക്കേറ്റ ഹരിദാസിനെ പരിയാരം മെഡിക്കല്‍ കോളജ് ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല. പരിപ്പായിയിലെ ഗോവിന്ദൻ നമ്പ്യാർ-നാണിയമ്മ ദമ്പതികളുടെ മകനാണ്. എടനാട് കൃഷ്ണ ഓയിൽമില്ലിനടുത്താണ് താമസം. ഭാര്യ: സിന്ധു (കുഞ്ഞിമംഗലം സ്കൂൾ അധ്യാപിക). മക്കൾ: അവിനാഷ്, വിനായക്. സഹോദരങ്ങൾ: ദിനേശൻ, രമേശൻ, രൂപ.