പി.എഫ്​ കമ്യൂ​​േട്ടഷൻ വഞ്ചനദിനം ഒന്നിന്​

കണ്ണൂര്‍: പി.എഫ് പെന്‍ഷൻ കമ്യൂട്ടേഷന്‍ ചെയ്ത വരിക്കാരുടെ ഗഡുക്കള്‍ പിടുത്തം നിര്‍ത്തലാക്കണമെന്നാവശ്യപ്പെട്ട് േമയ് ഒന്നിന് വഞ്ചനദിനം ആചരിക്കുന്നു. കേരള സോഷ്യലിസ്റ്റ് എംപ്ലോയീസ് പി.എഫ് ആക്ഷന്‍ കമ്മിറ്റിയുടെ ആഭിമുഖ്യത്തിലാണ് കണ്ണൂർ കെ.എസ്.ആര്‍.ടി.സി ബസ്സ്റ്റാൻഡിനു സമീപം പി.എഫ് കമ്യൂട്ടേഷന്‍ വഞ്ചനദിനം ആചരിക്കുന്നത്. ഉച്ച ഒരു മണിവരെയാണ് പ്രതിഷേധക്കൂട്ടായ്മയെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. സംസ്ഥാന ചെയര്‍മാന്‍ കൊറ്റ്യാല്‍ കൃഷ്ണന്‍ ഉദ്ഘാടനം ചെയ്യും. വാര്‍ത്തസമ്മേളനത്തില്‍ കൊറ്റ്യാല്‍ കൃഷ്ണന്‍, പള്ളിപ്രം പ്രസന്നന്‍, പുളിക്കണ്ടി കൃഷ്ണന്‍, കെ.കെ. കുഞ്ഞിക്കണ്ണൻ, ജി. ഗോപിനാഥന്‍ പിള്ള എന്നിവര്‍ സംബന്ധിച്ചു.