എ ഡിവിഷൻ ലീഗ് ക്രിക്കറ്റ്: തലശ്ശേരി ബ്രദേഴ്സ് ക്രിക്കറ്റ് ക്ലബ് ജേതാക്കൾ

തലശ്ശേരി: കണ്ണൂർ ജില്ല എ ഡിവിഷൻ ലീഗ് ക്രിക്കറ്റിൽ തലശ്ശേരി ബ്രദേഴ്സ് ക്രിക്കറ്റ് ക്ലബ് ജേതാക്കളായി. ഫൈനലിൽ രണ്ടു റൺസിന് തലശ്ശേരി ബി.കെ 55 ക്രിക്കറ്റ് ക്ലബിനെയാണ് അവർ പരാജയപ്പെടുത്തിയത്. 109 റൺസും രണ്ടു വിക്കറ്റും നേടി ബി.കെ 55 ക്രിക്കറ്റ് ക്ലബി​െൻറ ക്യാപ്റ്റൻ എം.പി. ശ്രീരൂപ് ഫൈനലിൽ മാൻ ഓഫ് ദ മാച്ചായി. ടോസ് നേടി ആദ്യം ബാറ്റ് ചെയ്ത ബ്രദേഴ്സ് ക്രിക്കറ്റ് ക്ലബ് നിശ്ചിത 45 ഓവറിൽ എട്ടു വിക്കറ്റ് നഷ്ടത്തിൽ 218 റൺസെടുത്തു. ബ്രദേഴ്സ് ക്രിക്കറ്റ് ക്ലബിനുവേണ്ടി സി.ഒ.ടി. മുഹമ്മദ് ഫവാസ് 48 റൺസും ധീരജ് പ്രേം 46 റൺസും എ.കെ. രാഹുൽ ദാസ് 41 റൺസും നേടിയപ്പോൾ ബി.കെ 55 ക്രിക്കറ്റ് ക്ലബിനുവേണ്ടി സൽമാൻ നിസാറും എം.പി. ശ്രീരൂപും രണ്ടു വിക്കറ്റ് വീതം വീഴ്ത്തി. മറുപടിയായി ബി.കെ 55 ക്രിക്കറ്റ് ക്ലബ് 42.5 ഓവറിൽ 216 റൺസിന് എല്ലാവരും പുറത്തായി. ബി.കെ 55നുവേണ്ടി ഫൻസീർ ഹനീഫ 31 റൺസെടുത്തു. ബ്രദേഴ്സ് ക്രിക്കറ്റ് ക്ലബിനുവേണ്ടി സി.ഒ.ടി. അഹമ്മദ് ഫർസീനും സി.ഒ.ടി. മുഹമ്മദ് ഫവാസും മൂന്നു വിക്കറ്റ് വീതം വീഴ്ത്തി. ടൂർണമ​െൻറിലെ മികച്ച ബാറ്റ്സ്മാനായി തലശ്ശേരി അബ്ബ ക്രിക്കറ്റ് ക്ലബി​െൻറ വി. അഫ്നാസിനെയും മികച്ച ബൗളറായി കണ്ണൂർ ഫോർട്ട് ക്രിക്കറ്റ് ക്ലബി​െൻറ കെ. അഭിനേഷിനെയും മാൻ ഓഫ് ദ ടൂർണമ​െൻറായി തലശ്ശേരി ബ്രദേഴ്സ് ക്രിക്കറ്റ് ക്ലബി​െൻറ സി.ഒ.ടി. അഹമ്മദ് ഫർസീനെയും തെരഞ്ഞെടുത്തു. തലശ്ശേരി എ.എസ്.പി ചൈത്ര തെരേസ ജോൺ സമ്മാനദാനം നടത്തി. ജില്ല ക്രിക്കറ്റ് അസോസിയേഷൻ പ്രസിഡൻറ് കെ.പി. സുരേഷ് ബാബു, എ.സി.എം. ഫിജാസ് അഹമ്മദ്, പി. സതീശൻ, വി.ബി. ഇസ്ഹാഖ്, എ. അഭിമന്യു, പി.പി. ഷംസീർ എന്നിവർ സംസാരിച്ചു.