വ്യാജരേഖ ഉപയോഗിച്ച് രണ്ടാമതും പാസ്‌പോര്‍ട്ട് എടുക്കാൻ ശ്രമം; യുവാവിനെതിരെ കേസ്

കാഞ്ഞങ്ങാട്: നേരത്തെ പാസ്പോർട്ട് എടുത്ത വിവരം മറച്ചുവെച്ച് വ്യാജരേഖകൾ ഉപയോഗിച്ച് രണ്ടാംതവണയും പാസ്‌പോര്‍ട്ട് എടുക്കാന്‍ ശ്രമിച്ച യുവാവിനെതിരെ പൊലീസ് കേസെടുത്തു. മാണിക്കോത്ത് തെക്കേപ്പുറത്തെ ഷമീറിനെതിരെയാണ് ഹോസ്ദുര്‍ഗ് പൊലീസ് കേസെടുത്തത്. 2001 ജനുവരി എട്ടിന് ഷമീര്‍ കോഴിക്കോട് പാസ്‌പോര്‍ട്ട് ഓഫിസില്‍ നിന്നും പാസ്‌പോര്‍ട്ട് സമ്പാദിച്ചിരുന്നു. ഇത് മറച്ചുവെച്ച് 2017 ജനുവരി 21ന് വ്യാജ മേല്‍വിലാസം ഉപയോഗിച്ച് വ്യാജരേഖകളുടെ സഹായത്തോടെ രണ്ടാമതും പാസ്പോർട്ടിന് അപേക്ഷ നൽകിയപ്പോഴാണ് പിടിയിലായത്. പാസ്‌പോര്‍ട്ട് ഒാഫിസിൽ ലഭിച്ച അപേക്ഷയുടെ അടിസ്ഥാനത്തില്‍ പൊലീസി​െൻറ രഹസ്യാന്വേഷണ വിഭാഗം പരിശോധന നടത്തിയപ്പോഴാണ് തട്ടിപ്പ് തിരിച്ചറിഞ്ഞത്.