മടക്കര പുഴയിൽ തിരയിളക്കം; ആശങ്കയോടെ പ്രദേശവാസികൾ

ചെറുവത്തൂർ: മടക്കര പുഴയിൽ തിരയിളക്കം. ഞായറാഴ്ച വൈകീട്ടാണ് പുഴയിൽ തിരയിളക്കം ഉണ്ടായത്. ഒപ്പം തിരമാല കരയിലേക്കുയരുകയും ചെയ്തു. ഇതോടെ ആശങ്കയിലാണ് പ്രദേശവാസികൾ. ഓർക്കുളം, പരന്തേൻമാട്, കാവുഞ്ചിറ എന്നിവിടങ്ങളിലാണ് ശക്തമായ തിരയിളക്കം ഉണ്ടായത്. മുമ്പ് സൂനാമി, ഓഖി ദുരന്തമുണ്ടായപ്പോഴുള്ള അതേ അവസ്ഥയായിരുന്നുവെന്ന് നാട്ടുകാർ പറഞ്ഞു. തീരദേശ പൊലീസ് നേരത്തേ തന്നെ അപകട മുന്നറിയിപ്പ് നൽകിയിരുന്നു.