സംസ്ഥാന മന്ത്രിസഭ വാർഷികം: കണ്ണൂരിൽ വിപണന മേള

കണ്ണൂർ: സംസ്ഥാന മന്ത്രിസഭ വാർഷികത്തി​െൻറ ഭാഗമായി മേയ് മാസം കണ്ണൂരിൽ വിപണന മേള നടത്താൻ ഉപസമിതി യോഗം തീരുമാനിച്ചു. വ്യവസായ വാണിജ്യ മേഖല, കൈത്തറി, വനിത സംരംഭകത്വം, സ്വയംതൊഴിൽ, കുടിൽ വ്യവസായം തുടങ്ങിയ വിവിധ മേഖലകളെ പെങ്കടുപ്പിച്ചാണ് വിപണന മേള ഒരുക്കുന്നത്. യോഗത്തിൽ ചെയർമാൻ കണ്ണൂർ കോർപറേഷൻ ഡെപ്യൂട്ടി മേയർ പി.കെ. രാഗേഷ് അധ്യക്ഷത വഹിച്ചു. ജില്ല വ്യവസായ കേന്ദ്രം മാനേജർ സി. രമേശൻ, ജോയൻറ് രജിസ്ട്രാർ (പ്ലാനിങ്) എം.കെ. ദിനേശ് ബാബു, ദിനേശ് ബീഡി ചെയർമാൻ സി. രാജൻ, സെക്രട്ടറി കെ. പ്രഭാകരൻ, മിന്നുഷ് ആർ. രമേശ് (റെയ്ഡ്‌കോ), ഹരിതകേരളം കോഓഡിനേറ്റർ ഇ.കെ. സോമശേഖരൻ, വീവേഴ്‌സ് കോഓപറേറ്റിവ് സൊസൈറ്റി പ്രതിനിധികൾ തുടങ്ങിയവർ പങ്കെടുത്തു.