നവമാധ്യമ ഹർത്താൽ: ഇരിട്ടിയിൽ ഒരാൾകൂടി അറസ്​റ്റിൽ

ഇരിട്ടി: ജമ്മു-കശ്മീരിൽ പീഡനത്തിനിരയായി ബാലിക കൊല്ലപ്പെട്ടതിൽ പ്രതിഷേധിച്ച് സമൂഹമാധ്യമങ്ങളിലൂടെ ആഹ്വാനംചെയ്ത ഹർത്താലിനിടെ ഇരിട്ടിയിൽ നടന്ന അക്രമവുമായി ബന്ധപ്പെട്ട് ഒരാൾകൂടി അറസ്റ്റിൽ. ഇരുപത്തിയൊന്നാംമൈലിലെ നിഹാന മൻസിലിൽ വി.പി. നാദിർഷയെയാണ് (23) ഇരിട്ടി പൊലീസ് അറസ്റ്റ്ചെയ്തത്. യുവാവിനെ മട്ടന്നൂർ കോടതി റിമാൻഡ്ചെയ്തു. ഹർത്താൽദിവസം ഇരിട്ടി ടൗണിൽ െപാലീസി​െൻറ ഒൗദ്യോഗിക കൃത്യനിർവഹണം തടസ്സപ്പെടുത്തിയതിനും ഇരിട്ടി എസ്.ഐ പി.സി. സജ്ജയ്കുമാർ ഉൾെപ്പടെയുള്ള െപാലീസുകാരെ കൈയേറ്റംചെയ്തതിനും മുപ്പതോളം പേർക്കെതിരെയാണ് കേസെടുത്തിട്ടുള്ളത്. സംഭവത്തിൽ നേരേത്ത മൂന്നുപേരെ അറസ്റ്റ്ചെയ്ത് റിമാൻഡ്ചെയ്തിരുന്നു. ഹർത്താലുമായി ബന്ധപ്പെട്ട് അനുമതിയില്ലാതെ പ്രകടനം നടത്തിയതുൾെപ്പടെ ഇരിട്ടി െപാലീസ് സ്റ്റേഷൻ പരിധിയിൽ മാത്രം 150ഓളം പേർക്കെതിരെയാണ് കേസെടുത്തത്. നിരവധിപേരെ സംഭവവുമായി ബന്ധപ്പെട്ട്് കസ്റ്റഡിയിലെടുത്ത് ചോദ്യം ചെയ്തുവരുകയാണ്.