പാരാപ്ലീജിയ രോഗികൾക്ക് വിഷുകിറ്റ് വിതരണം

ശ്രീകണ്ഠപുരം: നട്ടെല്ലിന് ക്ഷതമേറ്റ് കിടപ്പിലായ രോഗികൾക്ക് കോഴിക്കോട് കേന്ദ്രമായ പീപ്പിൾസ് ഫൗണ്ടേഷ​െൻറ നേതൃത്വത്തിൽ വിഷു ഭക്ഷ്യകിറ്റ് വിതരണം നടത്തി. ശ്രീകണ്ഠപുരത്ത് നടന്ന ജില്ലതല വിതരണോദ്ഘാടനം ശ്രീകണ്ഠപുരം നഗരസഭ ചെയർമാൻ പി.പി. രാഘവൻ നിർവഹിച്ചു. ഒാൾ കേരള വീൽ റൈറ്റ്‌സ് ഫെഡറേഷൻ (എ.കെ.ഡബ്ല്യു.ആർ.എഫ്) ജില്ല സെക്രട്ടറി ബാബു ആദ്യ കിറ്റ് ഏറ്റുവാങ്ങി. കെ.പി. റഷീദ് അധ്യക്ഷത വഹിച്ചു. നഗരസഭ കൗൺസിലർ വി.വി. സന്തോഷ്, വ്യാപാരി സമിതി പ്രതിനിധി കെ.കെ. രാമചന്ദ്രൻ, സി.വി.എൻ. ഇഖ്ബാൽ, കെ.എം.പി. ബഷീർ, ആൻറണി ചെങ്ങളായി എന്നിവർ സംസാരിച്ചു.