മയ്യഴി സെവൻസ് ഫുട്​ബാൾ ടൂർണമെൻറ്​ നാളെ തുടങ്ങും

മാഹി: മാഹി മൈതാനം ബ്രദേഴ്സ് സംഘടിപ്പിക്കുന്ന അഖിലേന്ത്യ മയ്യഴി സെവൻസ് ഫുട്ബാൾ ടൂർണമ​െൻറ് ഞായറാഴ്ച വൈകീട്ട് ഏഴിന് മയ്യഴി ഫ്ലഡ്ലൈറ്റ് മൈതാനത്ത് തുടങ്ങുമെന്ന് സംഘാടകർ വാർത്താസമ്മേളനത്തിൽ അറിയിച്ചു. സി.സി. ബാലകൃഷ്ണൻ മെമ്മോറിയൽ പ്രൈസ് മണി ആൻഡ് ട്രോഫിക്കും കെ.കെ. സുധാകരൻ മാസ്റ്റർ മെമ്മോറിയൽ പ്രൈസ് മണി ആൻഡ് ട്രോഫിക്കും വേണ്ടിയാണ് ടൂർണമ​െൻറ്. 60,000 രൂപ വിന്നേഴ്സിനും 40,000 രൂപ റണ്ണേഴ്സ് അപ്പിനും പ്രൈസ് മണി ലഭിക്കും 15 മത്സരങ്ങളിലായി 16 ടീമുകൾ ഏറ്റുമുട്ടും. ഡോ. വി. രാമചന്ദ്രൻ എം.എൽ.എ ഉദ്ഘാടനം ചെയ്യും. വാർത്താസമ്മേളനത്തിൽ വളവിൽ ദിനേശ്, വി.എൻ. വത്സരാജ്, കെ.പി. പ്രേമചന്ദ്രൻ, ഐ. രാമചന്ദ്രൻ എന്നിവർ സംബന്ധിച്ചു.