ബ്രദേഴ്സ് ക്രിക്കറ്റ് ക്ലബിന് പത്ത് വിക്കറ്റ് ജയം

തലശ്ശേരി: ജില്ല എ ഡിവിഷൻ ലീഗ് ക്രിക്കറ്റ് മത്സരത്തിൽ തലശ്ശേരി ബ്രദേഴ്സ് ക്രിക്കറ്റ് ക്ലബ് പത്ത് വിക്കറ്റിന് ധർമടം ഗവ. ബ്രണ്ണൻ കോളജിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബ്രണ്ണൻ കോളജ് 22.5 ഓവറിൽ 78 റൺസിന് എല്ലാവരും പുറത്തായി. ബ്രണ്ണൻ കോളജിനുവേണ്ടി എം. റിയാസ് 21 റൺസെടുത്തു. ബ്രദേഴ്സ് ക്രിക്കറ്റ് ക്ലബിനുവേണ്ടി അജ്മൽ പിലാക്കണ്ടി 15 റൺസിന് നാല് വിക്കറ്റും ബിനീഷ് കോടിയേരി 22 റൺസിന് മൂന്ന് വിക്കറ്റും സി.ഒ.ടി. അഹമ്മദ് ഫർസീൻ 22 റൺസിന് രണ്ട് വിക്കറ്റും വീഴ്ത്തി. മറുപടിയായി ബ്രദേഴ്സ് ക്രിക്കറ്റ് ക്ലബ് 6.4 ഓവറിൽ വിക്കറ്റ് നഷ്ടപ്പെടാതെ വിജയലക്ഷ്യം നേടി. സി.ഒ.ടി. അഹമ്മദ് ഫർസീൻ പുറത്താകാതെ 57 റൺസും ബിനീഷ് കോടിയേരി പുറത്താകാതെ 15 റൺസും നേടി. സി.ഒ.ടി. അഹമ്മദ് ഫർസീനെ കളിയിലെ മികച്ച താരമായി തിരഞ്ഞെടുത്തു.