വേനൽപച്ച: അവധിക്കാല ത്രിദിന ക്യാമ്പ് സമാപിച്ചു

കൊട്ടിയൂര്‍: ഐ.ജെ.എം ഹയര്‍സെക്കന്‍ഡറി സ്‌കൂള്‍ എസ്.പി.സി യൂനിറ്റി​െൻറ നേതൃത്വത്തില്‍ നടന്നുവന്ന അവധിക്കാല ത്രിദിന ക്യാമ്പ് വേനല്‍പച്ചക്ക് സമാപനമായി. സമാപനത്തോടനുബന്ധിച്ച് ജലസംരക്ഷണ റാലിയും സമാപന സമ്മേളനവും നടന്നു. സമാപന സമ്മേളനം ജില്ല പഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയര്‍മാന്‍ വി.കെ. സുരേഷ് ബാബു ഉദ്ഘാടനം ചെയ്തു. പഞ്ചായത്ത് പ്രസിഡൻറ് ഇന്ദിര ശ്രീധരന്‍ അധ്യക്ഷത വഹിച്ചു. സ്‌കൂള്‍ മാനേജര്‍ ഫാ. വര്‍ഗീസ് മുളകുടിയാങ്കല്‍ അനുഗ്രഹ പ്രഭാഷണം നടത്തി. പഞ്ചായത്തംഗം ബിന്ദുവാഹാനി, സിവില്‍ പൊലീസ് ഓഫിസര്‍ കെ. പ്രകാശന്‍, ജോസ് സ്റ്റീഫന്‍ തുടങ്ങിയവര്‍ സംസാരിച്ചു. അലന്‍ ജെയിംസ് ജലസംരക്ഷണ സന്ദേശം നല്‍കി.