പിള്ളയാര്‍ കോവില്‍ പ്രതിഷ്ഠാദിന മഹോത്സവം

കണ്ണൂര്‍: പിള്ളയാര്‍ കോവില്‍ പ്രതിഷ്ഠാദിന മഹോത്സവം ഏപ്രിൽ 17ന് തുടങ്ങുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. രാവിെല ആറിന് വിശേഷാല്‍ പൂജകളോടെ ആരംഭിക്കും. പ്രതിഷ്ഠാദിനത്തോടനുബന്ധിച്ച് 17 മുതല്‍ ലക്ഷാര്‍ച്ചന നടക്കും. ക്ഷേത്രം തന്ത്രി പിച്ചൈ ഗുരുക്കളുടെ മുഖ്യകാര്‍മികത്വത്തില്‍ 21 ആചാര്യന്മാര്‍ ലക്ഷാര്‍ച്ചനക്ക് നേതൃത്വം നല്‍കും. 18ന് വൈകീട്ട് അഞ്ചിന് 108 കലശപൂജ, ജപം, ഹോമം, വേദപാരായണം എന്നിവയും നടക്കും. സമാപന ദിവസമായ 20ന് പുലര്‍ച്ച ഗണപതിഹോമം, തുടര്‍ന്ന് രണ്ടാം കാലയാഗ പൂജ, ഗോപൂജ, പൂര്‍ണാഹുതി, മഹാഭിഷേകം എന്നിവ നടക്കും. ഉച്ച 12ന് മഹാദീപാരാധനയോടെ മഹോത്സവം സമാപിക്കും. തുടർന്ന് പ്രസാദസദ്യ. വാര്‍ത്തസമ്മേളനത്തില്‍ സി.വി. ഗിരീഷ്‌കുമാര്‍, സീതാറാം എസ്. ഭട്ട്, കണ്ണന്‍ സ്വാമി, ടി.കെ. ബാബു, കെ.കെ. മോഹനന്‍ എന്നിവർ പങ്കെടുത്തു.