എടക്കാട് ബസാറിൽ ബസുകൾ കൂട്ടിയിടിച്ച് നാലുപേർക്ക്​ പരിക്ക്​

എടക്കാട്: എടക്കാട് ബസാറിനടുത്ത് ബസുകൾ കൂട്ടിയിടിച്ച് നാലുപേർക്ക് പരിക്കേറ്റു. എടക്കാട്-കാടാച്ചിറ റോഡ് ജങ്ഷനിൽ വ്യാഴാഴ്ച രാവിലെ ഏഴരക്കായിരുന്നു അപകടം. പരിക്കേറ്റവരെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചു. തലശ്ശേരിയിൽനിന്ന് കണ്ണൂരിലേക്ക് പോകുന്ന സൺലൈറ്റ് ബസും കണ്ണൂരിൽനിന്ന് തലശ്ശേരിയിലേക്ക് പോകുന്ന ആദത്ത് ബസുമാണ് അപകടത്തിൽപെട്ടത്. ബസ് ഓട്ടോയെ മറികടക്കുന്നതിനിടയിലാണ് അപകടമുണ്ടായത്.