കെ.എസ്. ഭഗവാന് വേദി നിഷേധിച്ചത് പ്രതിഷേധാർഹം ^എസ്.എഫ്.ഐ

കെ.എസ്. ഭഗവാന് വേദി നിഷേധിച്ചത് പ്രതിഷേധാർഹം -എസ്.എഫ്.ഐ കണ്ണൂർ: കണ്ണൂർ സർവകലാശാല യൂനിയൻ ഉദ്ഘാടനത്തിന് കെ.എസ്. ഭഗവാന് വേദി നിഷേധിച്ച കൂത്തുപറമ്പ് നിർമലഗിരി കോളജ് മാനേജ്മ​െൻറ് നടപടി പ്രതിഷേധാർഹമാണെന്ന് എസ്.എഫ്.ഐ ജില്ല സെക്രേട്ടറിയറ്റ് പ്രസ്താവനയിൽ പറഞ്ഞു. കഴിഞ്ഞ കോളജ് യൂനിയൻ തെരഞ്ഞെടുപ്പിലാണ് കെ.എസ്.യുവിൽനിന്ന് എസ്.എഫ്.ഐ യൂനിയൻ തിരിച്ചുപിടിച്ചത്. തെരഞ്ഞെടുപ്പുവേളയിൽ എസ്.എഫ്.ഐയെ പരാജയപ്പെടുത്താൻ മാനേജ്മ​െൻറ് ആവുന്ന പരിശ്രമങ്ങൾ നടത്തി. ഇതി​െൻറഭാഗമായിട്ടാണ് തെരഞ്ഞെടുപ്പ് പ്രവർത്തനങ്ങൾക്ക് ചുക്കാൻപിടിച്ച എസ്.എഫ്.ഐ യൂനിറ്റ് സെക്രട്ടറി കെ.പി. സഖിനെ സസ്പെൻഡ് ചെയ്തത്. പരാജയത്തി​െൻറ ജാള്യത മറക്കാൻ കെ.എസ്.യുവും മാനേജ്മ​െൻറും കളിക്കുന്ന നാടകത്തി​െൻറ ഭാഗമാണ് ഈ നിഷേധം. മാനേജ്മ​െൻറ് നിലപാട് തിരുത്താൻ തയാറായില്ലെങ്കിൽ ശക്തമായ വിദ്യാർഥിസമരത്തിന് നിർമലഗിരി കോളജ് സാക്ഷ്യംവഹിക്കേണ്ടിവരുമെന്നും എസ്.എഫ്.ഐ ജില്ല സെക്രേട്ടറിയറ്റ് പ്രസ്താവനയിൽ പറഞ്ഞു.