സി.പി.എം^ബി.ജെ.പി സംഘർഷം; ഏഴുപേർക്ക് പരിക്ക്

സി.പി.എം-ബി.ജെ.പി സംഘർഷം; ഏഴുപേർക്ക് പരിക്ക് പേരാവൂർ: നെടുംപൊയിൽ കറ്റിയാട് സി.പി.എം-ബി.ജെ.പി സംഘർഷത്തിൽ മൂന്നു ബി.ജെ.പി പ്രവർത്തകർക്കും നാലു സി.പി.എം പ്രവർത്തകർക്കും പരിക്കേറ്റു. പരിക്കേറ്റവർ തലശ്ശേരിയിലും പേരാവൂരിലുമായി ചികിത്സയിലാണ്. വെള്ളിയാഴ്ച വൈകീട്ട് അഞ്ചോടെയാണ് ഇരുവിഭാഗവും തമ്മിൽ വാക്കേറ്റവും തുടർന്ന് സംഘർഷവും ഉണ്ടായത്. ശ്രീകൃഷ്ണജയന്തി ആഘോഷം മുതൽ പ്രദേശത്ത് നേരിയ സംഘർഷാവസ്ഥയുണ്ടായിരുന്നു. പേരാവൂർ എസ്.ഐ കെ.വി. സ്മിതേഷി​െൻറ നേതൃത്വത്തിൽ പൊലീസ് സ്ഥലത്ത് ക്യാമ്പ് ചെയ്യുന്നുണ്ട്.