14 ലക്ഷം രൂപയുടെ ആഭരണങ്ങള്‍ കവര്‍ന്നു

മംഗളൂരു: വീട്ടിൽ കയറിയ മോഷ്ടാക്കള്‍ 14 ലക്ഷം രൂപ വിലവരുന്ന സ്വര്‍ണാഭരണങ്ങള്‍ കവര്‍ന്നതായി പരാതി. ബജ്പെ കുപ്പെപ്പദവ് ചര്‍ച്ച് റോഡിലെ മുഹമ്മദ് ഇഖ്ബാലി‍​െൻറ വീട്ടിലാണ് കവര്‍ച്ച. കഴിഞ്ഞദിവസം പുലര്‍ച്ചെ രണ്ടിനും മൂന്നിനുമിടയില്‍ കാലൊച്ചകേട്ട് വീട്ടുകാർ ഉണർന്നപ്പോഴേക്കും മോഷ്ടാക്കള്‍ രക്ഷപ്പെട്ടതായി പരാതിയില്‍ പറഞ്ഞു. വീട്ടില്‍ നടത്തിയ പരിശോധനയിലാണ് അലമാരയില്‍ സൂക്ഷിച്ച ആഭരണങ്ങള്‍ നഷ്ടപ്പെട്ടതറിഞ്ഞത്.