ഇരുവൃക്കയും തകരാറിലായ യുവാവ് ചികിത്സാസഹായം തേടുന്നു

ഉരുവച്ചാൽ: ഇരുവൃക്കയുടെയും പ്രവർത്തനംനിലച്ച മാലൂർ തോലമ്പ്ര മഠത്തികുണ്ടിലെ സുഷിൽ നിവാസിൽ ചാലിൽ സതീശ‍​െൻറ മകൻ സുഷിൽ (21) ചികിത്സാസഹായം തേടുന്നു. കോഴിക്കോട് സ്വകാര്യ ആശുപത്രിയിൽ ചികിത്സയിൽ കഴിയുന്ന സുഷിൽ ഡയാലിസിസ് ചെയ്താണ് ജീവൻ നിലനിർത്തുന്നത്. ഡോക്ടർമാർ പറഞ്ഞപ്രകാരം ശസ്ത്രക്രിയക്ക് 20 ലക്ഷത്തിലധികം രൂപ െചലവ് വരും. തുടർചികിത്സക്കായി സതീശ‍​െൻറ കുടുംബത്തെ സഹായിക്കാൻ ജില്ല പഞ്ചായത്ത് സ്ഥിരംസമിതി അധ്യക്ഷൻ വി.കെ. സുരേഷ് ബാബു, പേരാവൂർ ബ്ലോക്ക് പഞ്ചായത്ത് പ്രസിഡൻറ് ടി. പ്രസന്ന, മാലൂർ പഞ്ചായത്ത് പ്രസിഡൻറ് പി. അശോകൻ, പേരാവൂർ പഞ്ചായത്ത് പ്രസിഡൻറ് ജിജി ജോയ് എന്നിവർ രക്ഷാധികാരികളായും വാർഡ് മെംബർ എം. പ്രഭാകരൻ ചെയർമാനായും വി. സുരേഷ് ബാബു കൺവീനറായും വിപുലമായ ചികിത്സാസഹായ കമ്മിറ്റി രൂപവത്കരിച്ച് പ്രവർത്തനം ആരംഭിച്ചിട്ടുണ്ട്. കമ്മിറ്റിയുടെ അക്കൗണ്ട് നമ്പർ: 17090100072158. ഐ.എഫ്.എസ് കോഡ്: എഫ്.ഡി.ആർ.എൽ: 0001709. നമ്പർ: 9446674341, 9847834739.