ഇടത്​ മദ്യനയം കാപട്യം ^ജമാഅത്തെ ഇസ്​ലാമി

ഇടത് മദ്യനയം കാപട്യം -ജമാഅത്തെ ഇസ്ലാമി കണ്ണൂർ: വിദ്യാഭ്യാസസ്ഥാപനങ്ങൾ, ആരാധനാലയങ്ങൾ എന്നിവിടങ്ങളിൽനിന്ന് മദ്യശാലകളുടെ ദൂരപരിധി 50 മീറ്ററാക്കി കുറച്ച ഇടതുസർക്കാർ തീരുമാനത്തിൽ ജമാഅത്തെ ഇസ്ലാമി ജില്ല സെക്രേട്ടറിയറ്റ് പ്രതിഷേധിച്ചു. ഇടത് മദ്യനയം കാപട്യമാണ്. ടൂറിസത്തി​െൻറ പേരുപറഞ്ഞ് നാട്ടിൽ മദ്യമൊഴുക്കാനുള്ള തീരുമാനത്തിൽനിന്ന് സർക്കാർ പിന്മാറണം. ഇടതുമുന്നണി പ്രഖ്യാപിച്ച മദ്യവർജനത്തോട് സർക്കാറിന് ആത്മാർഥതയുണ്ടെങ്കിൽ മദ്യത്തി​െൻറ ലഭ്യത കുറക്കാൻ നടപടികൾ സ്വീകരിക്കണമെന്നും ആവശ്യപ്പെട്ടു. മദ്യനയത്തിനെതിരെ ഉയരുന്ന എല്ലാ ജനകീയസമരങ്ങളെയും പിന്തുണക്കാനും തീരുമാനിച്ചു. ജില്ല പ്രസിഡൻറ് യു.പി. സിദ്ദീഖ് മാസ്റ്റർ അധ്യക്ഷത വഹിച്ചു. സെക്രട്ടറി ഹനീഫ മാസ്റ്റർ റിപ്പോർട്ട് അവതരിപ്പിച്ചു. കെ.പി. അബ്ദുൽ അസീസ്, വി.എൻ. ഹാരിസ്, കെ.പി. ആദംകുട്ടി, കെ.കെ. ഫിറോസ് എന്നിവർ സംസാരിച്ചു.