കാറ്റിലും മഴയിലും മലയോരത്ത് നാശനഷ്​ടം

കേളകം: കനത്ത കാറ്റിലും മഴയിലും മിന്നലിലും മലയോരത്തി​െൻറ വിവിധ ഭാഗങ്ങളിൽ നാശനഷ്ടം. മിന്നലിൽ പലരുടെയും വീട്ടുപകരണങ്ങൾക്ക് കേടുപറ്റി. കേളകം, കൊട്ടിയൂർ, കണിച്ചാർ, പേരാവൂർ മേഖലകളിൽ പലയിടത്തും വൈദ്യുതി വിതരണം തകരാറിലായി. 12 മണിക്കൂർ കഴിഞ്ഞിട്ടും വൈദ്യുതി വിതരണം പുന:സ്ഥാപിക്കാനായില്ല. നെടുംപുറംചാൽ, പൂളക്കുറ്റി മേഖലകളിൽ വ്യാപകമായ കൃഷിനാശമുണ്ടായി. നെടുംപുറചാൽ സ്വദേശി തെക്കിനിയിൽ ചാക്കോയുടെ 40ഒാളം വാഴകൾ ഒടിഞ്ഞു. 50,000 രൂപയുടെ നഷ്ടം കണക്കാക്കുന്നു. പ്രദേശത്ത് പലരുടെയും റബർ മരങ്ങളും നശിച്ചു.