മർഹമ ഉദ്ഘാടനം വെള്ളിയാഴ്ച

തളിപ്പറമ്പ്: തളിപ്പറമ്പിൽ പുതുതായി രൂപവത്കരിച്ച മർഹമ സാംസ്കാരികവേദിയുടെ ഉദ്ഘാടനം വെള്ളിയാഴ്ച വൈകീട്ട് നാലിന് നടക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു. ടൗൺ സ്ക്വയറിൽ നടക്കുന്ന പരിപാടിയിൽ ഐ.ആർ.പി.സിയുടെ ഉപദേശകസമിതി ചെയർമാൻ പി. ജയരാജൻ ഉദ്ഘാടനം ചെയ്യും. തുടർന്ന് എൻ. അബ്ദുല്ലത്തീഫ് സഅദി പ്രഭാഷണം നടത്തുമെന്ന് ഭാരവാഹികളായ കെ.എം. ലത്തീഫ്, സി.പി. സലീം, കുരിയാലി സിദ്ദീഖ്, കെ. ഷഫീഖ് എന്നിവർ അറിയിച്ചു.