ഓണാഘോഷവും കുടുംബസംഗമവും

മാഹി: ഓണനാളിൽ ഇത്തവണയും മാഹിയിലെ ചാലക്കര കണ്ടോത്തുപൊയിൽ തറവാട്ടിലെ അംഗങ്ങൾ സംഗമിച്ചു. പി. ശ്രീധരൻ അധ്യക്ഷത വഹിച്ചു. ചാലക്കര പുരുഷു ഉദ്ഘാടനം ചെയ്തു. ഛായാഗ്രാഹകൻ അസീസ് മാഹി ഓണസന്ദേശം നൽകി. കെ.പി. രമേശൻ, അഡ്വ. ടി. അശോക് കുമാർ, കെ.പി. ശാന്ത, കെ.പി. പ്രസീത, കെ. ബീന എന്നിവർ ഓർമകൾ പങ്കുവെച്ചു. മുതിർന്ന അംഗം കെ.പി. ലീലയുടെ സപ്തതി ആഘോഷവും നടന്നു. പൂക്കളം, ഓണപ്പാട്ട്, തിരുവാതിര, നൃത്ത-സംഗീത പരിപാടികൾ, ഓണസദ്യ, ബാബു കോടഞ്ചേരിയുടെ കഥാപ്രസംഗം എന്നിവയുമുണ്ടായി. കെ.പി. സജീവൻ സ്വാഗതവും ശശികുമാർ നന്ദിയും പറഞ്ഞു.