ടൈകോൺ കേരള നവംബർ 10 മുതൽ

ടൈകോൺ കേരള നവംബർ 10 മുതൽ കോഴിക്കോട്: സംരംഭകത്വം പ്രോത്സാഹിപ്പിക്കുന്നതിനായി ദി ഇൻഡസ് എൻറർപ്രണേഴ്സി​െൻറ (ടൈ) സംസ്ഥാന ഘടകമായ ടൈ കേരളയുടെ കീഴിൽ ടൈകോൺ കേരള 2017 എന്നപേരിൽ സംരംഭകത്വ സമ്മേളനം നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. നവംബർ 10,11 തീയതികളിൽ കൊച്ചി ലേ മെറിഡിയൻ കൺവെൻഷൻ സ​െൻററിലാണ് സമ്മേളനം. മ​െൻററിങ്, നെറ്റ്്വർക്കിങ്, എജുക്കേഷൻ, ഇൻക്യുബേഷൻ, ഫണ്ടിങ് എന്നീ മാർഗങ്ങളിലൂടെ സംരംഭകത്വത്തെക്കുറിച്ച് യുവജനങ്ങളെയും വിദ്യാർഥികളെയും ബോധവത്കരിക്കുകയും യുവസംരംഭകരെ വളർത്തിയെടുക്കുകയുമാണ് ലക്ഷ്യമിടുന്നത്. താൽപര്യമുള്ളവർക്ക് www.tieconkerala.org ൽ രജിസ്റ്റർ ചെയ്യാം. ശശി തരൂർ എം.പി മുഖ്യപ്രഭാഷണം നടത്തും. ചീഫ് സെക്രട്ടറി പോൾ ആൻറണി, ഡോ.ക്രിസ്റ്റി ‍ഫെർണാണ്ടസ്, ഡോ.ആസാദ് മൂപ്പൻ, ആർ.നടരാജൻ, അംബരീഷ് മൂർത്തി തുടങ്ങിയവർ പങ്കെടുക്കും. കെ.ചന്ദ്രശേഖരൻ, റോഷൻ കൈനടി, കെ.എ ജോസഫ്, ആനന്ദമണി എന്നിവർ വാർത്തസമ്മേളനത്തിൽ പങ്കെടുത്തു.