ദേവസ്വം ലാൻഡ്​ ട്രൈബ്യൂണൽ ഓഫിസ്​ വിഭജിച്ച് ഉത്തരവായി

കണ്ണൂർ: ജില്ല കലക്ടറേറ്റിൽ ദേവസ്വം പട്ടയങ്ങൾ കൈകാര്യം ചെയ്തിരുന്ന ദേവസ്വം ലാൻഡ് ട്രൈബ്യൂണൽ ഓഫിസ് വിഭജിച്ച് സർക്കാർ ഉത്തരവായി. ദേവസ്വം കേസുകളുടെ ബാഹുല്യവും ക്രയസർട്ടിഫിക്കറ്റുകൾ അനുവദിക്കുന്നതിനുള്ള കാലതാമസവും പരിഗണിച്ചാണ് നടപടി. തളിപ്പറമ്പ് താലൂക്ക് -ഡെപ്യൂട്ടി കലക്ടർ (ആർ.ആർ), കണ്ണൂർ താലൂക്ക് -ഡെപ്യൂട്ടി കലക്ടർ (എൽ.ആർ), ഇരിട്ടി, തലശ്ശേരി താലൂക്ക് -ഡെപ്യൂട്ടി കലക്ടർ (ഡി.എം) എന്നിങ്ങനെയാണ് കേസുകളുടെ നടത്തിപ്പും ക്രയസർട്ടിഫിക്കറ്റ്, പകർപ്പുകൾ തുടങ്ങിയവ അനുവദിക്കുന്നതിനായി ലാൻഡ് ബോർഡ് വിഭജിച്ചത്. ജില്ല ആയുർേവദ ആശുപത്രിയിൽ മാനസികാരോഗ്യ ഒ.പി കണ്ണൂർ: ജില്ല ആയുർവേദ ആശുപത്രിയിൽ മാനസികാരോഗ്യ ഒ.പി പ്രവർത്തനം തുടങ്ങി. കുട്ടികളിലും മുതിർന്നവരിലും കണ്ടുവരുന്ന മാനസിക പ്രശ്നങ്ങൾ, കുട്ടികളിലെ പഠനവൈകല്യങ്ങൾ എന്നിവക്ക് സൗജന്യ ചികിത്സ ലഭിക്കും. ഫോൺ: 9497697351.