മേക്കുന്നിൽ വാഹനാപകടം: ആറുപേർക്ക് പരിക്ക്

പെരിങ്ങത്തൂർ: മേക്കുന്നിൽ ഞായറാഴ്ച രാവിലെ ഒമ്പതരയോടെ ഉണ്ടായ വാഹനാപകടത്തിൽ ആറുപേർക്ക്‌ പരിക്കേറ്റു. പുത്തൂരിനിന്നും തിക്കോടിയിലേക്ക് വിവാഹ ചടങ്ങിൽ പെങ്കടുക്കാൻ പോവുകയായിരുന്ന കെ.എൽ13 എൻ.1222 നമ്പർ മിനിബസും പെരിങ്ങത്തൂരിൽനിന്നും പാനൂരിലേക്ക് പോവുകയായിരുന്ന കൈലാസ് ബസുമാണ് കൂട്ടിയിടിച്ചത്. അപകടത്തിൽ മിനി ബസി​െൻറ മുൻഭാഗം പൂർണമായും തകർന്നു. സരിത, ശോഭ, ജിഷ്ണ, സാന്ദ്ര, ഷീജ, ചന്തു എന്നിവർക്കാണ് പരിക്കേറ്റത്. ഇവരെ ചൊക്ലി മെഡിക്കൽ സ​െൻററിൽ പ്രവേശിപ്പിച്ചു. ഏറെനേരം മേക്കുന്നിൽ ഗതാഗത തടസ്സമുണ്ടായി.