അക്ഷയസംരംഭകരുടെ പണിമുടക്ക്​ ജില്ലയിൽ പൂർണം

കണ്ണൂർ: സർവിസ് ചാർജ് വർധിപ്പിക്കുക, അക്ഷയ സ​െൻററുകൾക്ക് സമാന്തരമായി പ്രവർത്തിക്കുന്ന കോമൺ സർവിസ് സ​െൻററുകളുടെ പ്രവർത്തനം അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് അക്ഷയ സംരംഭകർ സംസ്ഥാനവ്യാപകമായി ആഹ്വാനംചെയ്ത പണിമുടക്ക് ജില്ലയിൽ പൂർണം. ജില്ലയിലെ 217 അക്ഷയസ്ഥാപനങ്ങൾ അടഞ്ഞുകിടന്നതോടെ വിവിധ ആവശ്യങ്ങൾക്കായെത്തിയ ആളുകൾ വലഞ്ഞു. ചെറിയ സർവിസ് ചാർജ് ഇൗടാക്കിയാണ് അക്ഷയ സ​െൻററുകളിൽ സേവനങ്ങൾ നൽകുന്നതെന്നും ഇത് പുതുക്കിനിശ്ചയിക്കണമെന്നുമാണ് സംരംഭകരുടെ പ്രധാന ആവശ്യം. പണിമുടക്കിയവർ തിരുവനന്തപുരത്ത് െഎ.ടി മിഷന് മുന്നിലേക്ക് മാർച്ച് നടത്തിയതായി അസോസിയേഷൻ ഒാഫ് െഎ.ടി എംപ്ലോയീസ് ജില്ല സെക്രട്ടറി വി. സന്തോഷ് അറിയിച്ചു.