ഇതര സംസ്ഥാന തൊഴിലാളികൾ അന്യരല്ല; സൗഹൃദ സംഗമങ്ങൾ സംഘടിപ്പിക്കും

കണ്ണൂർ: ഇതര സംസ്ഥാന തൊഴിലാളികൾ അന്യരല്ല എന്ന സന്ദേശമുയർത്തി സാക്ഷരത മിഷൻ സൗഹൃദ സംഗമം സംഘടിപ്പിക്കുന്നു. ഇതര സംസ്ഥാന തൊഴിലാളികളോട് മലയാളികളുടെ ഐക്യദാർഢ്യം പ്രകടിപ്പിച്ച് അവർ കേരളത്തി​െൻറ ഭാഗവും സുരക്ഷിതരുമാണെന്ന് പ്രഖ്യാപിക്കുന്നതിനാണ് സൗഹൃദ സംഗമം. ആദ്യ പരിപാടി ചിറക്കൽ ഗ്രാമപഞ്ചായത്തി​െൻറ ആഭിമുഖ്യത്തിൽ ഒക്ടോബർ 29ന് കാട്ടാമ്പള്ളി ജി.എം.യു.പി സ്കൂളിൽ നടക്കും. ഐക്യദാർഢ്യ ഘോഷയാത്ര, ഇതര സംസ്ഥാന തൊഴിലാളികളുടെ കലാപരിപാടികൾ എന്നിവയുണ്ടാകും. ഇതരസംസ്ഥാന തൊഴിലാളികൾ കൂടുതലായുള്ള മറ്റു തദ്ദേശ സ്വയംഭരണ സ്ഥാപനങ്ങളിലും സംഗമം സംഘടിപ്പിക്കും.