ലഹരിവിരുദ്ധ ശിൽപശാല

തലശ്ശേരി: ഗവ. ബ്രണ്ണൻ ഹയർസെക്കൻഡറി സ്കൂൾ ലഹരിവിരുദ്ധ ക്ലബും സൗഹൃദ ചാരിറ്റബിൾ ട്രസ്റ്റും രക്ഷിതാക്കൾക്കായി സംഘടിപ്പിച്ച ഏകദിന ശിൽപശാല ഉണർവ് -2017 എക്സൈസ് ഡെപ്യൂട്ടി കമീഷണർ പി.കെ. സുരേഷ് ഉദ്ഘാടനംചെയ്തു. പി.ടി.എ പ്രസിഡൻറ് നവാസ് മേത്തർ അധ്യക്ഷതവഹിച്ചു. സൈക്കോളജിസ്റ്റ് ഡോ. വി.പി. ഗിരീഷ് ബാബു, ഡോ. സൂപ്പി കയനേടത്ത്, മണലിൽ മോഹനൻ എന്നിവർ ക്ലാസെടുത്തു. പ്രിൻസിപ്പൽ ഡോ. ശശിധരൻ കുനിയിൽ സ്വാഗതവും ഹെഡ്മാസ്റ്റർ കെ. രമേശൻ നന്ദിയും പറഞ്ഞു.