സ്വ​യംതൊ​ഴി​ൽ സംരംഭം

കണ്ണൂർ: നെയ്ത്തുജോലി അറിയുന്ന 10-ാം ക്ലാസ് വിദ്യാഭ്യാസം ഉള്ളവരിൽനിന്ന് കൈത്തറിമേഖലയിൽ സ്വയംതൊഴിൽ സംരംഭം തുടങ്ങാൻ അപേക്ഷ ക്ഷണിച്ചു. 10 വർഷത്തെ നെയ്ത്ത് പരിചയമുള്ളവർക്കും ഹാൻഡ്ലൂം ടെക്സ്ൈറ്റൽ ടെക്നോളജി ഡിപ്ലോമ/ഡിഗ്രി, ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്ലൂം ടെക്നോളജിയിൽനിന്ന് രണ്ടുവർഷത്തെ സർട്ടിഫിക്കറ്റ് കോഴ്സ് പാസായവർക്കും ഫാഷൻ ഡിസൈനിങ് ഡിപ്ലോമ/ഡിഗ്രി നേടിയവർക്കും മുൻഗണന. പദ്ധതിപ്രകാരം ആരംഭിക്കുന്ന വ്യവസായ യൂനിറ്റുകൾക്ക് മാർജിൻമണി ഗ്രാൻറ്, ടെക്നിക്കൽ െട്രയിനിങ്, മാർക്കറ്റിങ് സപ്പോർട്ട് എന്നിവ ലഭിക്കും. സ്ഥിരം മൂലധനനിക്ഷേപത്തി​െൻറ 40 ശതമാനം പരമാവധി നാലു ലക്ഷം രൂപയും പ്രവർത്തനമൂലധനത്തി​െൻറ 30 ശതമാനം പരമാവധി 1.5 ലക്ഷം രൂപയും ഗ്രാൻറായി നൽകും. പദ്ധതിയുടെ 20 ശതമാനം തുക സംരംഭകൻ ബാങ്ക്, ധനകാര്യസ്ഥാപനങ്ങൾവഴി സമാഹരിക്കണം. ശേഷിക്കുന്ന 10 ശതമാനം തുക സംരംഭകൻ സ്വന്തമായി കണ്ടെത്തണം. തെരഞ്ഞെടുക്കപ്പെടുന്നവർക്ക് 10 ദിവസത്തെ പരിശീലനം നൽകും. ഫോൺ: 0497 2700928.