സി.പി.എം പ്രചാരണ ബോർഡുകൾ നശിപ്പിച്ചനിലയിൽ

കണ്ണൂർ സിറ്റി: സി.പി.എം പ്രചാരണ ബോർഡുകൾ തീവെച്ച് നശിപ്പിച്ചനിലയിൽ. ഞായർ, തിങ്കൾ ദിവസങ്ങളിലായി സിറ്റിയിൽ നടക്കുന്ന സി.പി.എം ലോക്കൽ സമ്മേളനത്തി​െൻറ ഭാഗമായി സിറ്റി ജങ്ഷനിൽ നക്ഷത്രരൂപത്തിൽ എഴുതിയ ബോർഡാണ് കഴിഞ്ഞദിവസം അർധരാത്രി കത്തിച്ചത്. ബോർഡ് മുഴുവനായും കത്തിനശിച്ചു. സമ്മേളനഹാളിന് സമീപം എം.എസ്.എഫ് പതാക വ്യാപകമായി കെട്ടി പ്രകോപനമുണ്ടാക്കാൻ ശ്രമം നടത്തുന്നതായും സിറ്റി പൊലീസിൽ നൽകിയ പരാതിയിൽ പറയുന്നു. സിറ്റിയിലും പരിസരങ്ങളിലും സി.പി.എമ്മിലേക്ക് പ്രവർത്തകർ എത്തുന്നതിൽ വിറളിപൂണ്ട് നേതൃത്വത്തി​െൻറ അറിവോടെ നടത്തുന്ന ഇത്തരം പ്രവർത്തനങ്ങൾ സംഘർഷമുണ്ടാക്കാനേ ഉപകരിക്കുകയുള്ളൂവെന്ന് സിറ്റി ലോക്കൽ സെക്രട്ടറി കെ. ശഹ്‌റസ് പ്രസ്താവനയിൽ പറഞ്ഞു.