ആരോഗ്യ ഇൻഷുറൻസ്​ രജിസ്​േട്രഷൻ

കണ്ണൂർ: സമഗ്ര ആരോഗ്യ ഇൻഷുറൻസ് പദ്ധതിയുടെ 2018-19 വർഷത്തെ ആരോഗ്യ ഇൻഷുറൻസ് കാർഡ് നൽകുന്നതിനുള്ള രജിസ്േട്രഷൻ ഒക്ടോബർ 31വരെ അക്ഷയകേന്ദ്രങ്ങൾ, കുടുംബശ്രീ ഉന്നതികേന്ദ്രങ്ങൾവഴി നടക്കും. മഞ്ഞ, പിങ്ക് റേഷൻ കാർഡുള്ളവർക്ക് മറ്റു വിഭാഗങ്ങളിൽപെടാതെ അപേക്ഷിക്കാം. പട്ടികജാതി-വർഗക്കാർ, മത്സ്യത്തൊഴിലാളികൾ, തെരഞ്ഞെടുക്കപ്പെട്ട ക്ഷേമനിധി ബോർഡ് അംഗങ്ങൾ, പെൻഷൻകാർ, അംഗൻവാടി-ആശാ പ്രവർത്തകർ, ആശ്രയ കുടുംബങ്ങൾ, തൊഴിലുറപ്പ് പദ്ധതിയിൽ 15 ദിവസമെങ്കിലും പണിയെടുത്തവർ, ഗാർഹിക തൊഴിലാളികൾ, തെരുവുകച്ചവടക്കാർ, അംഗപരിമിതർ, ടാക്സി -ഓട്ടോ ൈഡ്രവർമാർ, വിവിധ സാമൂഹികസുരക്ഷാ പെൻഷൻ വാങ്ങുന്നവർ, അഗതിമന്ദിരത്തിലെ അന്തേവാസികൾ, ആക്രി--പാഴ്വസ്തുക്കൾ ശേഖരിക്കുന്നവർ, ശുചീകരണത്തൊഴിലാളികൾ, പാറമട തൊഴിലാളികൾ എന്നീ വിഭാഗങ്ങളിൽപെട്ടവരുടെ കുടുംബങ്ങൾക്ക് റേഷൻ കാർഡിലെ വരുമാനപരിധിയില്ലാതെ രജിസ്റ്റർ ചെയ്യാം. 2017-18 വർഷത്തിൽ ഫോട്ടോ എടുത്ത് കാർഡ് കൈപ്പറ്റിയവരും പുതുക്കിയവരും അപേക്ഷിക്കേണ്ടതില്ല.