സി.പി.എം ലോക്കൽ സമ്മേളനം കഴിഞ്ഞു

ഉരുവച്ചാൽ: അമ്പതു വർഷമായി നിരന്തരപരിശ്രമം നടത്തിയിട്ടും ഗുജറാത്തിലേതുപോലെ കേരളത്തിൽ ആർ.എസ്.എസ് മുന്നേറ്റമുണ്ടാകാത്തത് സി. പി.എമ്മി​െൻറ ചെറുത്തുനിൽപുകൊണ്ടാണെന്ന് സി.പി.എം ജില്ല സെക്രട്ടറി പി. ജയരാജൻ പറഞ്ഞു. സി.പി.എം പഴശ്ശി സൗത്ത് ലോക്കൽ സമ്മേളനം ഉരുവച്ചാൽ പെരിഞ്ചേരിയിൽ ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ എൽ.ഡി.എഫ് സർക്കാറിനെ അസ്ഥിരപ്പെടുത്താനാകുമോ എന്നാണ് ആർ.എസ്.എസ് നേതൃത്വം നൽകുന്ന കേന്ദ്രഭരണക്കാർ നോക്കുന്നത്. കോൺഗ്രസ് ഇതിന് കൂട്ടുനിൽക്കുകയാണെന്നും പി. ജയരാജൻ പറഞ്ഞു. സി. രവീന്ദ്രൻ അധ്യക്ഷത വഹിച്ചു. കെ. ഭാസ്കരൻ, കെ.സി. മനോജ്, ഇ. സജീവൻ, പി. സുരേഷ് ബാബു, വി.കെ. സുഗതൻ, പി. കുഞ്ഞികൃഷ്ണൻ, വി. രാമദാസ് എന്നിവർ സംസാരിച്ചു.