ലോക്കല്‍ സമ്മേളനം

പേരാവൂര്‍: പേരാവൂര്‍ താലൂക്ക് ആശുപത്രിയിലെ കാഷ്വാലിറ്റി പ്രവര്‍ത്തനം കാര്യക്ഷമമാക്കണമെന്ന് സി.പി.എം മണത്തണ ആവശ്യപ്പെട്ടു. ചാത്തമ്പള്ളി നാണു നഗറില്‍ ജില്ല സെക്രേട്ടറിയറ്റംഗം എം. സുരേന്ദ്രന്‍ ഉദ്ഘാടനം ചെയ്തു. കെ. സംതീഷ് കുമാര്‍, പി.പി മനോജ് കുമാര്‍, ബിന്ദു മഹേഷ് എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. കെ.കെ. രാജന്‍ രക്തസാക്ഷി പ്രമേയവും കെ. അര്‍ഷാദ് അനുശോചന പ്രമേയവും അവതരിപ്പിച്ചു. ടി. വിജയന്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു. ജില്ല കമ്മിറ്റിയംഗം എം.വി. സരള, ഏരിയ സെക്രട്ടറി അഡ്വ. എം. രാജന്‍, എം. കണ്ണന്‍, എം.എസ്. വാസുദേവന്‍, കെ. സുധാകരന്‍, കെ.ടി. ജോസഫ്, കെ. ശശീന്ദ്രന്‍, പി.വി. പ്രഭാകരന്‍ തുടങ്ങിയവര്‍ സംസാരിച്ചു. ടി. വിജയന്‍ സെക്രട്ടറിയായി പതിനൊന്നംഗ ലോക്കല്‍ കമ്മിറ്റിയെ തെരഞ്ഞെടുത്തു.