ക്രഷറിൽനിന്ന് തോട്ടിലേക്ക് മലിനജലം ഒഴുക്കു​െന്നന്ന്​

കേളകം: കണിച്ചാർ പഞ്ചായത്തിലെ 24ാം മൈൽ ക്രഷറിൽനിന്ന് മലിനജലം നൂറിലധികം കുടുംബങ്ങളുടെ ആശ്രയമായ തോട്ടിലേക്ക് ഒഴുക്കിവിടുന്നതായി നാട്ടുകാരായ വാച്ചാലി രാജൻ, എം. ധനയൻ എന്നിവർ കേളകത്ത് വാർത്താസമ്മേളനത്തിൽ പറഞ്ഞു. ചെക്കേരി, കൊമ്മേരി, കറ്റ്യാടി എന്നിവിടങ്ങളിലെ ആദിവാസികൾ ഉൾപ്പെടെയുള്ളവർ നിത്യ ഉപയോഗത്തിനായി ആശ്രയിക്കുന്നതാണ് ഈ തോട്. ക്വാറിയിൽനിന്ന് മലിനജലം ഒഴുക്കിവിടുന്നതു കാരണം ആളുകൾക്ക് ചൊറിച്ചിൽ അനുഭവപ്പെടുന്നതായി ഇവർ ആരോപിച്ചു. ഇതുസംബന്ധിച്ച് നാട്ടുകാർ ഒപ്പിട്ട നിവേദനം സണ്ണി ജോസഫ് എം.എൽ.എക്ക് നൽകിയതായി ഇവർ അറിയിച്ചു. തുടർ നടപടികൾ ഉണ്ടായില്ലെങ്കിൽ ജില്ല കലക്ടർക്ക് പരാതി നൽകുമെന്നും ഇരുവരും പറഞ്ഞു.