കല്ലുവെട്ട് യന്ത്രത്തിനിടയിൽ കുടുങ്ങി മരിച്ചു

പെരിങ്ങോം: ചെങ്കൽ ക്വാറിയിൽ കല്ലുവെട്ട് യന്ത്രം പ്രവർത്തിപ്പിക്കുന്നതിനിടെയുണ്ടായ അപകടത്തിൽ കർണാടക സ്വദേശിയായ യുവാവ് മരിച്ചു. കർണാടക താവന്നൂരിലെ പൂജപ്പ--ശാന്തവ ദമ്പതികളുടെ മകൻ ശിവപ്പ (22)യാണ് മരിച്ചത്. തിങ്കളാഴ്ച വൈകീട്ട് മൂന്നോടെ പെരിങ്ങോം വെളിച്ചന്തോടായിരുന്നു അപകടം. മൃതദേഹം പരിയാരം മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിനുശേഷം ചൊവ്വാഴ്ച സ്വദേശത്തേക്ക് കൊണ്ടുപോകും.