ധർമശാല^കണ്ണപുരം റോഡ്: ദുരിതമോചന പദയാത്ര നാളെ

ധർമശാല-കണ്ണപുരം റോഡ്: ദുരിതമോചന പദയാത്ര നാളെ കല്യാശ്ശേരി: ധർമശാല-കണ്ണപുരം റോഡി​െൻറ ശോച്യാവസ്ഥ പരിഹരിക്കണമെന്നാവശ്യപ്പെട്ട് കോൺഗ്രസി​െൻറ നേതൃത്വത്തിൽ ഒക്ടോബർ എട്ടിന് രാവിലെമുതൽ ദുരിതമോചന പദയാത്ര നടത്തും. ധർമശാലയിൽ രാവിലെ ഒമ്പതിന് ഡി.സി.സി പ്രസിഡൻറ് സതീശൻ പാച്ചേനി ഉദ്ഘാടനം ചെയ്യും. ജില്ല-ബ്ലോക്ക് നേതാക്കള്‍ പരിപാടിയില്‍ പങ്കെടുക്കും. ധർമശാല മുതൽ കണ്ണപുരംവരെയുള്ള ഏഴ് കിലോമീറ്ററോളം ദൂരത്തിലുള്ള പദയാത്രയിൽ നൂറുകണക്കിന് പ്രവർത്തകർ അണിനിരക്കും. കല്യാശ്ശേരി, കണ്ണപുരം, ആന്തൂര്‍ നഗരസഭ എന്നീ പ്രദേശങ്ങളിലൂടെയാണ് റോഡ്‌ കടന്നുപോകുന്നത്. 17 വർഷമായി റോഡിൽ കാര്യമായ അറ്റകുറ്റപ്പണികൾ നടത്തിയിട്ടില്ല.