സ്വീകരണം നൽകി

മട്ടന്നൂര്‍: സ്വാശ്രയ മുതലാളിമാര്‍ക്കൊപ്പംനിന്ന് വിദ്യാർഥികളുടെ പഠനാന്തരീക്ഷം തകര്‍ത്ത എല്‍.ഡി.എഫ് സര്‍ക്കാറിന് കാലം മാപ്പ് നല്‍കില്ലെന്ന് കെ.എസ്.യു സംസ്ഥാന പ്രസിഡൻറ് കെ.എം. അഭിജിത്ത്. കെ.എസ്.യു മട്ടന്നൂര്‍ ബ്ലോക്ക് കമ്മിറ്റി ആഭിമുഖ്യത്തില്‍ മട്ടന്നൂര്‍ മേഖലയിലെ സ്‌കൂള്‍, കോളജ് തെരഞ്ഞെടുപ്പുകളില്‍ വിജയം നേടിയവര്‍ക്ക് ഒരുക്കിയ സ്വീകരണപരിപാടി ഉദ്ഘാടനം ചെയ്യുകയായിരുന്നു അദ്ദേഹം. കെ.എസ്.യു ജില്ല വൈസ് പ്രസിഡൻറ് ഫര്‍സിന്‍ മജീദ് അധ്യക്ഷത വഹിച്ചു. സംസ്ഥാന വൈസ് പ്രസിഡൻറുമാരായ വി.പി. അബ്ദുൽ റഷീദ്, ജഷീര്‍ പള്ളിവയല്‍, ജില്ല പ്രസിഡൻറ് മുഹമ്മദ് ഷമ്മാസ്, ഹരികൃഷ്ണന്‍ പാളാട്, അശ്വിന്‍ മട്ടന്നൂര്‍, ഇജാസ് വേങ്ങാട്, കെ.സി. മുഹമ്മദ് ഫൈസല്‍ എന്നിവര്‍ സംസാരിച്ചു.