മോദിക്കെതിരെ വീണ്ടും യശ്വന്ത്​ സിൻഹ

ന്യൂഡൽഹി: സാമ്പത്തികമാന്ദ്യം പെരുപ്പിച്ച് കാട്ടുന്ന ദോഷൈകദൃക്കുകളെ പ്രധാനമന്ത്രി നരേന്ദ്ര മോദി വിമർശിച്ചതിന് തൊട്ടുപിറകെ വീണ്ടും വിമർശനവുമായി മുൻ ധനമന്ത്രിയും ബി.ജെ.പി നേതാവുമായ യശ്വന്ത് സിൻഹ. സാമ്പത്തികമാന്ദ്യം അടുത്ത തെരഞ്ഞെടുപ്പിൽ സർക്കാറി​െൻറ വിധി നിർണയിക്കുമെന്നും സിൻഹ പറഞ്ഞു. തങ്ങൾ ശുഭാപ്തിവിശ്വാസമുള്ളവരോ ദോഷൈകദൃക്കുകളോ എന്നത് പ്രധാനമല്ല. ഇത്തരം വിഷയങ്ങൾ താനുയർത്തുന്നത് സർക്കാറി​െൻറ ശ്രദ്ധയിൽെപടുത്താനാണ്. സമ്പദ്ഘടനയുമായി ഏറ്റുമുട്ടുന്ന പ്രശ്നങ്ങൾക്ക് പരിഹാരം കാണാനാണ്. ഇതിന് ദോഷൈകദൃക്ക് എന്നൊക്കെ വ്യക്തിപരമായ വിമർശനം വിലപ്പോവില്ല. കേവലം ഒരു പാദത്തി​െൻറ അടിസ്ഥാനത്തിലല്ല താൻ സമ്പദ്ഘടന വിലയിരുത്തിയത്. സാമ്പത്തികവളർച്ച കഴിഞ്ഞ അഞ്ചാറ് മാസമായി കുറയുകയാണെന്ന് എല്ലാവർക്കുമറിയാം. തങ്ങൾക്ക് ഒരു മാനദണ്ഡവും മറ്റുള്ളവർക്ക് മറ്റൊരു മാനദണ്ഡവുമെന്ന നിലപാട് അനുവദിക്കാനാകില്ലെന്നും സിൻഹ പറഞ്ഞു.