അനിശ്ചിതകാലസമരം

മാഹി: പാസിക് ജീവനക്കാരുടെ 36ാം ദിവസത്തിലേക്ക് കടന്നു. പള്ളൂരിൽ സമരം നടത്തുന്ന ജീവനക്കാരെ ഡോ. വി. രാമചന്ദ്രൻ എം.എൽ.എ സന്ദർശിച്ചു. മുഖ്യമന്ത്രി വി. നാരായണ സ്വാമിയുമായി ഫോണിൽ സംസാരിച്ച് ജീവനക്കാരുടെ ദൈന്യാവസ്ഥ ബോധ്യപ്പെടുത്തി. പ്രശ്നം പരിഹരിക്കാൻ വീണ്ടും ഇടപെടുമെന്ന് എം.എൽ.എ പറഞ്ഞു. സംസ്ഥാനത്ത് 1500-ഓളം ജീവനക്കാരാണ് പാസിക്കിൽ ജോലിചെയ്യുന്നത്. ചൊവ്വാഴ്ച രാവിലെ സമരംചെയ്യുന്ന ജീവനക്കാരും കുടുംബങ്ങളും പുതുച്ചേരി നിയമസഭ മന്ദിരത്തിലേക്ക് മാർച്ച് നടത്തി.