ഗാന്ധിജയന്തി വാരാഘോഷം: കോളനിശുചീകരണവും മെഡിക്കൽ ക്യാമ്പും ഇന്ന്​

കണ്ണൂർ: ഗാന്ധിജയന്തി വാരാഘോഷത്തി​െൻറ ഭാഗമായി ഇൻഫർമേഷൻ പബ്ലിക് റിലേഷൻസ് വകുപ്പി​െൻറ ആഭിമുഖ്യത്തിൽ തിങ്കളാഴ്ച മുഴക്കുന്ന് പഞ്ചായത്തിലെ പട്ടികവർഗ കോളനിയിൽ ശുചീകരണവും ബോധവത്കരണവും മെഡിക്കൽ ക്യാമ്പും സംഘടിപ്പിക്കും. പാല ഗവ. ഹയർസെക്കൻഡറി സ്കൂൾ എൻ.എസ്.എസ് യൂനിറ്റി​െൻറ സഹകരണത്തോടെയാണ് കോളനിശുചീകരണം നടത്തുക. ആരോഗ്യവകുപ്പി​െൻറയും എൻ.എച്ച്.എമ്മി​െൻറയും ആഭിമുഖ്യത്തിലാണ് മെഡിക്കൽ ക്യാമ്പ് ഒരുക്കിയിട്ടുള്ളത്. ജില്ല പഞ്ചായത്ത്, തദ്ദേശസ്ഥാപനങ്ങൾ, െഎ.ടി.ഡി.പി എന്നിവയുടെ സഹകരണത്തോടെയാണ് പരിപാടികൾ നടപ്പാക്കുന്നത്. പഞ്ചായത്തിലെ പാല മേലെ, താേഴ കോളനികളിൽ എൻ.എസ്.എസ് വളൻറിയർമാരുടെ നേതൃത്വത്തിൽ ശുചീകരണ ബോധവത്കരണ പ്രവർത്തനങ്ങൾ നടത്തും. ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനം ചെയ്യും. മൊടപ്പത്തി നാരായണൻ അവതരിപ്പിക്കുന്ന ലഹരിവിരുദ്ധ ബോധവത്കരണ ഏകപാത്ര നാടകം -'പ്രാന്ത്' അരങ്ങേറും.