നിയമം ലംഘിച്ച് മത്സ്യബന്ധനം; അഞ്ച് ബോട്ടുകൾ പിടികൂടി

അഴീക്കൽ: മാട്ടൂൽ, എഴിമല, പടന്ന ഭാഗത്തുനിന്ന് ദൂരപരിധി ലംഘിച്ച് ട്രോൾ വല മത്സ്യബന്ധനം നടത്തിയ അഞ്ച് ബോട്ടുകൾ കണ്ണൂർ മറൈൻ എൻഫോഴ്‌സ്‌മ​െൻറ് പിടികൂടി. ചൊവ്വാഴ്ച പുലർച്ച 6.30ഓടെയാണ് യന്ത്രവത്കൃത ബോട്ടുകൾ പിടികൂടിയത്. കരയിൽനിന്ന് ഒരുനോട്ടിക്കൽ മൈൽ ദൂരെ മത്സ്യബന്ധനം നടത്തുകയായിരുന്ന കുന്താപുരം സ്വദേശി നാഗരാജി​െൻറ ഭൂമിക ബോട്ടും കർണാടക മംഗളൂരു സ്വദേശി മുഹമ്മദ് ഇക്ബാലി​െൻറ മുഹമ്മദ് സജ്‌മൽ ബോട്ടും കണ്ണൂർ അഴീക്കൽ സ്വദേശി പി.പി. അഭിലാഷി​െൻറ ഗുരുബ്രഹ്മ ബോട്ടും ഒന്നര നോട്ടിക്കൽ മൈൽ ദൂരെ മത്സ്യബന്ധനം നടത്തിയ ചെറുവത്തൂർ സ്വദേശി നവാസി​െൻറ ബാഗ്ദാദ് ബോട്ടും ചെറുവത്തൂർ സ്വദേശി ഇ.വി. ഷാജിയുടെ നിലമംഗലം ബോട്ടുമാണ് പിടികൂടിയത്. മറൈൻ എൻഫോഴ്‌സ്‌മ​െൻറ് അസി. ഡയറക്ടർ അജിതയുടെ നിർദേശത്തെ തുടർന്നായിരുന്നു പരിശോധന. എസ്.ഐ ഇൻചാർജ് കെ. മുരളീധരൻ, സി.പി.ഒമാരായ എൻ.വി. ഷിനിൽ, കെ.സി. ഷഫീർ, റെസ്ക്യു ഗാർഡ് ഷൈജു, രാജേഷ്, ബോട്ട് സ്രാങ്ക് അജിത്, അയ്യൂബ് എന്നിവർ സംഘത്തിലുണ്ടായിരുന്നു.