ചിറ്റടിയിലേത്​ ബോംബല്ല; കടലാസുപടക്കം

പയ്യന്നൂർ: രാമന്തളി ചിറ്റടിയിൽ രണ്ടു ദിവസങ്ങളിലായുണ്ടായ സ്ഫോടന ശബ്ദം കടലാസ് പടക്കമെന്ന് കണ്ടെത്തൽ. ചൊവ്വാഴ്ച കണ്ണൂരിൽനിന്നെത്തിയ ബോംബ് സ്ക്വാഡാണ് ഇത് സ്ഥിരീകരിച്ചത്. കടലാസുകൊണ്ടുണ്ടാക്കിയ പടക്കം ആരോ കത്തിച്ചെറിഞ്ഞതാണെന്നാണ് കണ്ടെത്തൽ. എന്നാൽ, ആരാണ് കത്തിച്ചതെന്ന് കണ്ടെത്താനായില്ല. ചൊവ്വാഴ്ച രാവിലെയാണ് ബോംബ് സ്ക്വാഡും ഡോഗ് സ്ക്വാഡും ചിറ്റടിയിലും പരിസരങ്ങളിലും പരിശോധന നടത്തിയത്. പയ്യന്നൂർ എസ്.ഐ കെ.പി. ഷൈനി​െൻറ നേതൃത്വത്തിലായിരുന്നു പരിശോധന. റെയ്ഡിൽ ബോംബ് കണ്ടെത്താനായില്ല. എന്നാൽ, പരിശോധനയിൽ പടക്കം പൊട്ടിയപ്പോൾ ചിതറിയ കടലാസ് കഷണങ്ങൾ കണ്ടെത്തി. ഇതു ശേഖരിച്ച് കണ്ണൂരിലെ ലാബിൽ നടത്തിയ പരിശോധനയിലാണ് പടക്കമാണെന്ന് സ്ഥിരീകരിച്ചതെന്ന് എസ്.ഐ പറഞ്ഞു.